Ffermio gyda Dŵr Cymru
Mae Dŵr Cymru yn chwilio am grwpiau o ffermwyr fyddai â diddordeb mewn gweithio gyda ni i helpu diogelu ein cyflenwadau dŵr yfed. Perchnogaeth cyfyngedig sydd gan y cwmni o’r tir y daw ein dŵr yfed ohono. Er mwyn sicrhau bod y dŵr o’r ansawdd gorau y gall fod cyn iddo gyrraedd y gwaith trin dŵr, mae’r cwmni’n edrych i weithio gyda grwpiau ffermwyr mewn dalgylchoedd i ddod o hyd i syniadau rheoli tir newydd neu arloesol a fydd yn gwarchod ei ffynonellau yn awr ac am flynyddoedd i ddod.
